तिलकमान श्रेष्ठ सानो छँदा

तिलकमान श्रेष्ठसँग कलेज र विश्वविद्यालय तहमा रसायनशास्त्र (केमेष्ट्रि) पढाएको लामो अनुभव छ । उहाँको जन्म वि.सं. २००० साल असार, रिडीमा भएको हो । उहाँका पिताको नाम ऋतुमान र माताको नाम बेतीलक्ष्मी हो । तिलकमान पाँच भाइ र ३ दिदीबहिनी जन्मनुभएको हो । उहाँ माहिलो छोरा हो । उहाँले त्रिभुवन विश्वविद्यालयबाट रसायनशास्त्रमा एमएस्सी गरेपछि जर्मनी गएर पढ्नु भयो । जर्मनीबाट फर्केपछि २०३१ सालमा धरानको हात्तीसार क्याम्पस पुग्नुभयो । उहाँ ८/९ वर्ष सहायक क्याम्पस-प्रमुख र ४ वर्ष क्याम्पस-प्रमुख हुनुभयो । अरू आठ वर्ष जति रसायनशास्त्रको अध्यापन गराएर २४ वर्ष धरानमा बिताउनुभयो । २०५६ मा त्रिवि, रसायनशास्त्र विभाग, कीर्तिपुरमा आउनुभयो र ०६३ सालसम्म पढाउनुभयो । धरानमा उहाँले खाद्यप्रविधिको स्नातक तह (बिटेक, बिएबराबर) मा माइक्रोबायोलोजी विषय पढाउन बन्दोबस्त गर्नुभयो । हात्तीसारमा एमटेक (खाद्यप्रविधिमा एमएस्सी) को पाठ्यक्रम तयार पार्न अगुवाई गर्नुभयो । उहाँले जर्मनी, फ्रान्स, दक्षिण कोरिया, स्विट्जरल्यान्ड, ग्रीस, युगोस्लाभिया (अहिले यो देश टुक्रिएर धेरैवटा भएका छन्) आदि भ्रमण गर्नुभएको छ । गत वर्ष मुटुको समस्या देखापर्‍यो । शहिद शुक्रलाल अस्पतालका मुटुरोगका चिकित्सक डा. भगवान कोइरालाका कारण दोस्रो जीवन पाएको बताउने श्रेष्ठ सानो छँदाका केही सम्झना :