तीन मुक्तक

युवा अनुशासन
साढेसातको दशा लागेको छ
मेरा सात वर्ष नपुगेका छोराहरू
आफूलाई ०७७ UP
अर्थात् James Bond र FIDO DIDO
भएको दाबी गर्छन्
होइन यो उम्रिदैको तीनपात
यो त हो उम्रिदैको सातपात
००
हिजो, आज र भोलि
आज,
आजैको पर्वाह गर्दैन
हिजोको बदख्वाई गर्छ
भोलि के हुन्छ कस्लाई थाहा ?
००
नेता
स्वाभिमान हराउँछ
भाषणको खोल ओढ्छ
शब्दहरूको शरण लिन्छ
सुतुरमुर्गले डराएर बालुवामा
टाउको लुकाए झैं ।
००
(२०५२ वैशाख २८ को ‘समकालिन साप्ताहिक’मा प्रकाशित)

Write a comment