लोडसेडिङ्ग

(क)
के घोक्नु ‘इलेक्ट्रीसिटी’ को हिज्जे
समय अनुसारको डोको बोक्नु पर्छ
अब त,
‘लोडसेडिङ्ग’ को हिज्जे घोक्नु पर्छ ।
००
(ख)
स्कूले किताबको
‘विद्युत’ शीर्षकको पाठमा
नेपाल जलस्रोतको धनी देश हो
भनेर पढ्थें – म
लोडसेडिङ्गको अँध्यारो छ
टुकीको मधुरो प्रकाशमा
नेपाल जलस्रोतको धनी देश हो
भनेर उही पाठ पढ्दैछ मेरो छोरो ।
००
(ग)
विद्युत परियोजनाहरूमा
भए ठूला ठूला स्क्यान्डल
लोडसेडिङ्गको अँध्यारो छ
बालेको छु- क्यान्डल ।
००
(२०५१ चैत २३, बिहिबारको ‘समकालिन साप्ताहिक’मा प्रकाशित)

Write a comment