एसएलसी परीक्षा २०६९ को रुटिन

एसएलसी परीक्षा २०६९ बिहान ८ बजेदेखि ११ बजेसम्म हुनेछ ।
नियमित र एक्जेम्टेड दुवैको परीक्षा एउटै समय र एकै किसिमका प्रश्नबाट हुनेछ ।
रुटिन यस्तो छ -
चैत १ गते (बिहिबार/मार्च १४, २०१३) – अनिवार्य अंग्रेजी (वेदविद्याश्रमतर्फ अनिवार्य संस्कृत व्याकरण र अनुवाद)
चैत २ गते (शुक्रबार/मार्च १५, २०१३) – अनिवार्य नेपाली (गैरनेपाली परीक्षार्थीका लागि इलेक्टिभ अंग्रेजी)
चैत ४ गते (आइतबार/मार्च १७, २०१३) – अनिवार्य गणित
चैत ५ गते (सोमबार/मार्च १८, २०१३) – अनिवार्य विज्ञान (वेदविद्याश्रमतर्फ अनिवार्य संस्कृत भाषा र साहित्य)
चैत ६ गते (मंगलबार/मार्च १९, २०१३) – अनिवार्य सामाजिक अध्ययन
चैत ७ गते (बुधबार/मार्च २०, २०१३) – अनिवार्य स्वास्थ्य, जनसंख्या तथा वातावरण शिक्षा (वेदविद्याश्रमतर्फ अनिवार्य कर्मकाण्ड र संस्कृततर्फ अनिवार्य संस्कृत भाषा)
चैत ८ गते (बिहिबार/मार्च २१, २०१३) – ऐच्छिक प्रथम पत्र सबै विषयहरू
चैत ९ गते (शुक्रबार/मार्च २२, २०१३) – ऐच्छिक व्दितीय पत्र सबै विषयहरू
- परीक्षा नियन्त्रण कार्यालय (पनिका), सानोठिमी, भक्तपुर

एउटा राम्रो स्कुल

‘घरनजिक एउटा राम्रो स्कुल होस्,’ आम-अभिभावक यही चाहन्छन् । पत्रिकाका पानामा दिनहुँ विज्ञापन छापिएका छन् । भर्ना खुलेको छ । सबै स्कुलका ढोका खुला छन् । यति हुँदाहुँदै पनि सहरिया बाबु-आमालाई कुन स्कुल राम्रो र कुन नराम्रो भन्ने कुराले रात छर्लङ कटाइदिएको छ । हरेक वर्ष पुनः भर्नाको झमेलामा केही हजार रुपैयाँ खर्चनु पर्छ । स्कुल फेरे त झनै मार । नयाँ पोसाक, त्यसमा पनि जाडो र गर्मीका लागि भिन्न लुगा । नयाँ झोला, उस्तै ज्योमिट्री बक्स । नयाँ जुत्ता, भए दुइ वा त्योभन्दा बढी जोर । कहाँबाट बस चढ्ने ? कति बेला बस आइपुग्छ ? दिउँसो खानका लागि स्कुलकै क्यान्टिनमा भर पर्ने कि घरबाट पठाइदिने ? तीन बच्चा भए एउटालाई ट्युसन फि पो तिर्नु नपर्ने हो कि ? अनेकन प्रश्न । शैक्षिक सत्र सुरु हुँदा उब्जने प्रश्नका उत्तर शैक्षिक सत्र सकिँदा पनि पाइँदैनन् । छोराछोरीले फाट्टफुट्ट अंग्रेजी बोलिदिइहाल्छन् । बाबुआमा दंग ! आमघरमा यसै हुन्छ ।
Read More »

आन्दोलनका अभिभावक

आन्दोलनका अभिभावक आन्दोलन सुरु भएको छ । शैक्षिक क्षेत्र त्यसै पनि प्रभावित भइहाल्छ । त्यसमा पनि स्कुल खुल्ने/नखुल्ने वा बाटोमा हुने अवरोधका कारण अभिभावकलाई बढी नै चिन्ता हुन्छ । पढाइमा त बाधा भयो भयो, दिनहुँको ‘आन्दोलन रुटिन’ कहाँबाट थाहा पाउने ? स्कुलका लागि नानीहरू तयार पार्ने कि नपार्ने ? यस्तो विषयमा पनि राजधानीमा जानकारी पाउने सुविस्ता देखिन्छ तर बाहिर कहाँबाट पाउनु ?
Read More »

तमसोमा ज्योतिर्गमय

 

पन्ध्र वर्षभन्दा अघिको कुरा हो । भक्तपुरको दत्तात्रेयछेउ एउटा होमियोप्याथीको क्लिनिक थियो । अहिले छ वा छैन, थाहा छैन । म एउटा बिरामीका रूपमा त्यहाँ पुगेको थिएँ । पालो पाएपछि डाक्टरको कोठामा म पसे । त्यहाँ अर्को बत्ती थियो वा थिएन, त्यो ख्याल भएन । त्यहाँ मैनबत्ती बालेको थियो । डाक्टरले मलाई मेरो बिमारको बारेमा सोधीरहँदा म त्यो मैनबत्तीमा पनि आँखा पु-याउँथे । मलाई त्यो शान्त बत्तीले बेला-बेला तानिरहन्थ्यो । मलाई बिमारको उपचार नै पो यसै बत्तीले गरिरहेको छ जस्तो लाग्थ्यो ।

उता ‘क्यान्डल लाइट डिनर’मा मान्छे त्यसै लोभिएका होइन रहेछन् । बत्तीमा झुमिएका पुतलीहरूझैं । कति ठूलो महत्व ! Read More »